یوم جمہوریہ کے پرمسرت موقع پر عثمانیہ اکیڈمی نے رام پارک لونی میں ایک شام محبت کے نام سے سیمینار کا انعقاد ۔
یوم جمہوریہ کے پرمسرت موقع پر عثمانیہ اکیڈمی اور سوشل اینڈ ایجوکیشنل ریسرچ کی جانب سے سدھیر انکلیو لونی میں ‘ایک شام محبت کے نام سے ایک سمینار کا انعقاد کیا گیا جس میں مختلف شعبوں سے تعلق رکھنے والے سماجی کارکنوں، مذہبی رہنماؤں اور صحافیوں نے شرکت کی۔ سیمینار کے مہمان خصوصی مولانا سہیل اختر قاسمی تھے جبکہ سیمینار کی نظامت مفتی عبدالواحد قاسمی نے کی۔
انہوں نے کہا کہ عثمانیہ اکیڈمی کے ڈائرکٹر نوشاد عثمانی نے لونی جیسے علاقے میں اس طرح کا سمینار منعقد کرکے ایک بہترین مثال قائم کی ہے۔ انہوں نے کہا کہ نوشاد عثمانی اپنے آپ میں ایک تنظیم کے طور پر سماج کو متحد کرنے کا کام کر رہے ہیں۔ اس موقع پر سینئر صحافی اور سائبان اخبار کے چیف ایڈیٹر جناب جاوید رحمانی نے یوم جمہوریہ پر روشنی ڈالتے ہوئے کہا کہ یوم جمہوریہ ہمارے ملک کا سب سے بڑا تہوار ہے اور ایسے موقع پر اس طرح کا جشن منانا ہمارے لیے باعث فخر ہے۔ .
انہوں نے کہا کہ نوشاد عثمانی نے ایک شام میں محبت کے نام پر اس سیمینار کا انعقاد کر کے معاشرے کو ایک بڑا پیغام دینے کی کوشش کی ہے اور مبارکباد کے مستحق ہیں۔ انہوں نے کہا کہ نوشاد عثمانی نہ صرف عثمانیہ اکیڈمی کے ڈائریکٹر ہیں بلکہ وہ ایک اچھے صحافی اور اسٹار نیوز ٹیلی ویژن کے چیف ایڈیٹر بھی ہیں۔ اس موقع پر سیمینار کے مہمان خصوصی مولانا سہیل اختر قاسمی کو ٹرافی سے نوازا گیا۔ علاوہ ازیں سینئر صحافی جاوید رحمانی، ماسٹر اصغر علی، نور حسن ملک، نسیم خلیفہ، حاجی محمد بشیر، جناب راجو بیسلہ اسلم باری، ضیاء الحق فریدی، گلاب انصاری، شمیم حیدر، یامین ربانی، حاجی شاکر اور غزل نگار فرید احمد کو بھی ٹرافی سے نوازا گیا۔ سیمینار کے آخر میں مولانا سہیل اختر قاسمی نے اپنے صدارتی خطاب میں کہا کہ یوم جمہوریہ ہمارا قومی تہوار ہے اس لیے ہم صدیوں سے ایسے پروگرام کرتے آرہے ہیں اور کرتے رہیں گے اور اپنے بزرگوں کی قربانیوں کو یاد رکھیں گے کیونکہ ہمارا خون ملک کی آزادی میں شامل ہے.
آخر میں تقریب کے منتظم اور عثمانیہ اکیڈمی کے پرنسپل جناب نوشاد عثمانی نے یوم جمہوریہ پر روشنی ڈالتے ہوئے کہا کہ آج جبکہ پوری دنیا میں نفرت کو فروغ دیا جا رہا ہے، ایسے میں اس پلیٹ فارم کے ریعہ ہم نے محبت کا پیغام دینے کی کوشش کی ہے۔اور ہم امید کرتے ہیں کہ محبت کی یہ آواز لوگوں تک پہنچے گی اور ہندوستان میں ایک بار پھر پیار و محبت کا ماحول بنے گا، ساتھ ہی انہوں نے سیمینار میں آنے والے تمام مہمانوں کا شکریہ بھی ادا کیا۔ اس موقع پر جناب محمد شمشاد، محمد ارشاد ، محمد جنید، محمد سعود، محمد ولی (ببلو)، حیات الرحمن، محمد شمشیر، محمد ربانی، محمد شاہد، عائشہ شمشاد، علمہ خان، روزی اورلائقہ ارشاد ، اقرا اور دیگر نے کافی تعداد میں شرکت کی۔ .
