یــــوم دخـتـر۔۔۔۔۔۔۔ ۔ ۳جنوری۲۰۲۵۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔نامہ نگار(این ایس ۔بیگ کی رپورٹ سے)
ساوتری بائی پھلے کی یوم پیدائش کے موقع پرامراؤتی عظمیٰ بلدیائی اردو وسطانوی مدرسہ نمبر ۸ جمیٖل کالونی ضلع امراؤتی میں طلباء نے نہایت جوش و خروش کے ساتھ یوم دختر (بالیکا دیوس) منایا ۔۔اس موقع پر طالبات نے ” بیٹی بچاؤ بیٹی پڑھاؤ” اس پیغام کا حقیقی مقصد بتایا۔قوم کی بیٹیوں میں ایثار،قربانی صبر اور تحمل ،اعلی اخلاق کے حصول کا واحد ذریعہ تعلیم کے حصول کو بتایا۔مختلف سرگرمیوں کو انجام دیتے ہوئے تعلیم کی اہمیت کو ظاہر کیا گیا ۔ساوتری بائی پھلے کی زندگی کے مختلف پہلوؤں پر روشنی ڈالی گئی . لڑکیوں کی تعلیم کے حصول لیے ساوتری بائی پھلے نے محنت کیں اور سماجی مخالفتوں کا سامنا کرتے ہوئے سماج سے کئی برائیوں کو ختم کرنے کی کوششیں کیں ۔ اس موقع پر اسکول کے صدر معلّم الحاج محترم یوسف خان صاحب نے طلباء کو اعلیٰ تعلیم سے متعلق معلومات دیتے ہوئے طالبات کی سرگرمیوں اور دلچسپی کو خوب سراہا ۔طالبات کے ذریعے بنائے گئے پوسٹر،نعرے بنانے ،طلباء کو متحرک و فعال رکھنے کے لیے اس تقریب کی کامیابی پر تمام اساتذہ اورمعلمات کو مبارکباد پیش کیں۔ طالبات نےیوم دختر پر ایک پیغام دیا "بیٹے پڑھاؤ بیٹےبچاؤ”۔
