امراؤتی عظمیٰ بلدیائی اردو وسطانوی و فوقانوی مدرسہ نمبر ۶ چپراسی پورہ، کیمپ امراؤتی میں جماعت دہم کے طلباء کی شاندار تہنیتی تقریب کا انعقاد .

امراؤتی(نامہ نگار این ۔ایس بیگ کی رپورٹ سے )

مدرسہ ھٰذامیں د ہم جماعت( سال اول )کا٪۱۰۰ نتیجہ، کامیابی اور حوصلہ افزائی کے ضمن میں آج بتاریخ ۲۰مئی ۲۰۲۵ کو تہنیتی تقریب منعقد کی گئی۔اس تقریب میں امراؤتی عظمیٰ بلدیائی کے تعلیمی افسر ڈاکٹر پرکاش میشرام صاحب نے بحیثیت مہمان خصوصی شرکت کیں ۔ طلباء اور اساتذہ کو مبارکباد پیش کرتے ہوئے کہا ” معاشرے میں تبدیلی اور ترقی کا واحد ذریعہ تعلیم ہے اس لیے زیادہ سے زیادہ اعلیٰ تعلیم کے حصول کے لیے محنت کریں ۔”مدرسہ ھذا کے صدر مدرس سید حمزہ صاحب نےتمہیدِی کلمات کی ادا ئیگی اور طلباء کی رہنمائی کیں ۔گیارہویں جماعت کے داخلے اور شعبہ سائنس کے تحت سائنسی مضامین سے متعلق عمدہ معلومات فراہم کی اور طلبہ کی نیٖٹ, جے ڈبل ای سے متعلق بہترین رہنمائی کیں۔مدرسہ نگرا ں کار جوتی بنسولے صاحبہ،سابق مدرسہ نگراں کارافسر جناب،سابقہ معلمہ ذاکرہ صاحبہ کی بطور مہمانانِ خصوصی شرکت رہیں۔افسر جناب نے طلباء اور سرپرستوں کو خطاب کرتے ہوئے کہا "اپنے بچوں کو مادری زبان میں تعلیم دلوائیں ،سرکاری اداروں میں اپنے بچوں کو داخل کرائیں ۔مادری زبان میں تعلیم حاصل کرتے ہوئے ہم اعلیٰ سے اعلیٰ مقام تک پہنچ سکتے ہیں بشرط کہ محنت اور مستقل مزاجی کا دامن ہاتھ سے نہ چھوڑیں،عصری تعلیم کے ساتھ ساتھ دینی تعلیم بھی نہایت ضروری ہے اور میں خاص والدین سے کہتا ہوں کہ وہ اپنے بچوں کی اچھی تربیت اور دینی تعلیم کی بھی فکر کریں۔”ذاکرہ صاحبہ نے طلبہ کو زیادہ محنت،مستقل مزاجی، مستعدی اور لگن سے پڑھنے کی ترغیب دیتے ہوئے کہا کہ امتحان میں نقل نویسی سے پرہیز کریں محنت اور ایمانداری سے امتحانات کی تیاری کریں ۔ لڑکوں سے مخاطب ہوکر کہا”سائنس اور ٹیکنالوجی کے شعبے میں خاص محنت اور دلچسپی کی ضرورت ہے آج آپ گھر بیٹھے لاکھوں روپیہ کما سکتے ہیں شرط یہ ہے کہ آپ محنت کریں اور پیشہ ورانہ سرگرمیوں پر دھیان دیں، فضول گوئی سے پر ہیز کریں موبائل کی غیر ضروری ریلس پر زیادہ توجہ نہ دیں۔”بنسولے میڈم نے طلباء کو اس کامیابی پر خصوصی مبارکباد دی اور کہا کہ ہمارے سامنے تین ماڈل ہیں، ڈاکٹر بابا صاحب امبیڈکر ساوتری بائی پھلے اور فاطمہ شیخ ۔ان تینوں کی تعلیم کے حصول کے لیے کی گئی کاوشیں اور جدوجہد ہمیں اعلی تعلیم کے حصول کے لیے ترغیب دیتی ہیں ۔ بریرہ باجی نے طلباء کو مسلسل محنت کی طرف توجہ مبذول کرتے ہوتے ہوئے تعلیمی میدان میں ناکامی کی تلخ حقائق سے آشنا کیا ۔
اس موقع پر دہم جماعت کے اساتذہ جناب شعیب صاحب ،معلمات بریرہ باجی صاحبہ ، درخشاں صاحبہ کی محنتوں کو سراہا گیا ۔معاون معلم انصار شاہ صاحب ، سابق معلم ناظم صاحب ، فوزیہ صاحبہ ،رفیق صاحب ، حفیظ سر کا جماعت دہم کی کامیابی میں قابل ستائش تعاون رہا۔ طلباء کی محنت، والدین کی دعاؤں اور محنتوں سے اسکول کا نتیجہ٪ ۱۰۰ فیصد رہا ۔تمام سرپرست اور والد ین اس تقریب کی کامیابی کا حصہ رہے ۔