عدالت میں زیرِ سماعت مقدمہ کے باوجود زمین مافیاؤں نے قانون کو طاق پر رکھ کر تحصیل پر درخواست ڈالی

مذکورہ زمین پر پہلے ہی تین بار پروسیڈنگ ڈرا فٹ ہو چکی ہے،اور زمین پر محمد حسین کا قبضہ ہے۔

اعظم گڑھ،11 اکتوبر (ذاکر حسین ) ضلع اعظم گڑھ کے تحصیل نظام آباد کے گاؤں سیدھا سلطان پور رہائشی زمین مافیا عزیزاللہ عرف پپو،سلمان،عبداللہ ولد وہاب اور علاؤالدین غیره نے لکھ پال کو مس گائیڈ کرتے ہوۓ ایک ایسی زمین پر درخواست دے ڈالی،جس کا مقدمہ گزشتہ بیس برس سے مقامی دیوانی عدالت میں زیرِ سماعت ہے،جس میں اگلی تاریخ آینده ماہ نومبر میں ہے۔مذکورہ زمین پر پہلے ہی تین بار پروسیڈنگ ڈرا فٹ ہو چکی ہے،اور زمین پر محمد حسین کا قبضہ ہے۔ واضح رہے کہ دیوانی عدالت میں زیرِ سماعت مقدمہ میں کسی کومداخلت کا کوئی ادھیکار نہیں ہے۔اس معاملے کو لیکر پلنٹف مرحوم محمد حسین کے بڑے بیٹے ڈاکٹر خالد اعظمی اور فیملی فرد ڈاکٹر افضل خاں نے کہا کہ گرام سماج تال پر قبضہ کرنے والے زمین مافیاؤں کو لیکھ پال سمیت راجسو وبھاگ کے لوگوں کو مس گائیڈ کرنے کے لئے سزا ملنی چاہیے۔واضح رہے کہ مزکورہ زمین مافیا ریاض خاں مرحوم کی زمین پر دیوانی عدالت میں زیرِ سماعت مقدمہ کے باوجود مرحوم کی زمین پر قبضہ کر لیا،جس کا صدمہ برداشت نہ کر پانے کی وجہ سے ریاض خاں کی موت ہو گئی تھی۔اس معاملے کو لیکر مرحوم محمد حسین خاں کے وکلاء نے کہا کہ عزیز اللہ عرف پپو،عبداللہ،سلمان اور علاؤ الدین نے لیکھ پال کے مس گائیڈ کرنے کی مزموم کوشش کی ہے۔جس کی سزا ان کو عدلیہ کی جانب سے ملنی چاہیے۔یاد رہے کہ دیوانی عدالت میں زیرِ سماعت مقدمہ میں لیکھ پال کو مداخلت کا کیا رائیٹ ہے؟بتادیں کہ عزیز اللہ،عبداللہ اور علاؤالدین زبردستی محمد حسین کی زمین پر نابدان بہا رہے ہیں۔وہاں پر پالیوشن (گندگی) پھیلا رہے ہیں ،جس کی وجه سے محمد حسین کی فیملی خاص کر بچوں کی جان کا خطرہ ہے ۔اس سے پہلے سیدھا گاؤں میں گندگی سے نٹ بچے مر چکے ھیں۔حالانکہ اس زمین کا ایک مقدمہ محمد حسین جیت چکے ہیں،اور دو بار ان بدمعاشوں کی درخواست خارج ہو چکی ہے۔